I riu Rafael Tafa humbi jetën ditën e sotme në vendin e tij të punës në një gomisteri, ku një gomë kampioni shpërtheu duke rezultuar me pasoja fatale. Një dëshmitar i ngjarjes ka treguar edhe detaje të reja, duke thënë se 20-vjeçari ishte shembull i shkëlqyer.
Dëshmitari ka treguar se sapo e kanë kuptuar çfarë ndodhi, kanë lajmëruar menjëherë policinë dhe ambulancën. Kjo e fundit, tregon ai, ka mbërritur me shumë vonesë dhe i riu nuk ka mnudur të marrë ndihmën e parë shpejt.
“Isha në kafe në kat të dytë dhe dëgjova një shpërthim të madh. Dola jashtë dhe pamë një re tymi të bardhë. Zbritëm poshtë dhe pamë që djali, 2 metër, e kishte zhvendosur fuqia e gomës disa metra dhe e kishte mbështetur pas disa hekurave nga presioni. Lajmëruam urgjencën menjëherë dhe policinë. Urgjenca mbërriti me shumë vonesë. Askush nga ne s’ja jepnim dot ndihmën. Pritëm me ankth që të vinte urgjenca, se ndoshta dhe shpëtonte. Mbërriti shumë vonë makina e urgjencës. 15 minuta pas urgjencës mbërriti dhe policia. E njihnim si djalë shumë punëtor. Punën e kishte afër me shtëpinë. Ai ishte shembull i shkëlqyer e një të riut që mbante familjen me bukë. Asnjë nuk ndërhyri për ta ndihmuar për shkak se mos e lëndonim. Fuqia e gomës kur e ka fryrë e ka shtyrë tek hekurat”, ka thënë dëshmitari.
