Ditën e sotme janë arrestuar 3 policë në Kavajë, pas vdekjes së dyshimtë të 31-vjeçarit në komisariat. Mësohet se në pranga kanë rënë Bexhet Berberi e Rushit Kola inspektorë dhe Petrit Brahimaj nënkomisar.
Raportohet se Berberi dhe Kola kanë qenë policë roje te dhoma e paraburgimit. Sipas burimeve, ata akuzohen për shpërdorim detyre.
Arrestimi është kryer nga AMP, ndërkohë që pritet dhe njoftimi i Agjencisë për Mbikqyrje Policore në lidhje me arrëstimin
Kujtojmë se i riu Ilvi Meta ka ndërruar jetë ditën e djeshme ndërsa policia e ka njoftuar si vetvrasje. Duke qenë se mënyra si kishte ndodhur një akt i tillë ishte e paqartë, grupi hetimor ka nisur veprimet e para për të zbuluar dinamikën e ngjarjes së rëndë.
Përvec policëve do të merren edhe të afërmit e familjarët e viktimës, Ilvi Meta. Ndërkohë që trupit të tij është duke iu bërë ekspertiza mjekoligjore e cila do të nxjerrë edhe shkakun e vdekjes së Metës.
Meta u arrestua mesditën e sotme pasi Gjykata e Kavajës kish caktuar në mungesë masën e sigurisë arrest me burg në mungesë. Meta dyshohej për një vjedhje ngjarje e ndodhur rreth një muaj më parë. Një shenjë gishtërinjsh e gjetur në vendin që u vodh, pas hetimeve të prokurorisë rezultoi se ishte e të riut e për këtë prokurorira kërkoi arrestimin e tij, kërkesë e cila u pranua nga Gjykata e Kavajës. Hetimet janë në vijim dhe pritet që ne orët në vijim autoritetet të dalin me një deklaratë më të detajuar.
