Kryetari i Parlamentit në Rusi, Vyacheslav Volodin ka thyer heshtjen duke reaguar ndaj lajmeve për vdekjen në burg të liderit të opozitës ruse, Alexei Navalny. PËrmes një postimi në rrjetin social Telegram Volodin bën fajtor liderët më të lartë të Perëndimit, duke thënë se ata kanë marrë një numër të madh “vendimesh të dështuara dhe janë kapur pas pozicioneve të tyre që përfitojnë nga vdekja e tij”.
“Të gjithë ata, emrat e tyre janë të njohur, nga sekretari i përgjithshëm i NATO-s dhe lidershipi i SHBA-së deri te Scholz, Sunak dhe Zelensky, janë fajtorë për vdekjen e Navalny-t. Janë ata që kanë marrë një numër të madh vendimesh të dështuara dhe janë kapur pas pozicioneve të tyre që përfitojnë nga vdekja e tij”, tha ai në kanalin e tij Telegram.
