Orët e vona të pasdites së djeshme ka ndërruar jetë në spitalin e Pogradecit mësuesja Anila Bazelli, 46-vjeçe. Burime pranë grupit hetimor kanë bërë me dije se shkak i vdekjes së mësueses ka qenë ataku kardiak. Sipas Fax Web kjo përgjigje është thënë nga ekspertët e Institutit të Mjekësisë Ligjore.
Zyrtarisht as familjarët dhe as mjekët e spitalit të Pogradecit nuk e kanë një përgjigje të tillë. Në orët në vazhdim pritet reagimi i mjekëve të Spitalit të Pogradecit.
Sjellim në vëmendje se trupi i 46-vjeçares është dërguar për autopsi mbrëmjen e djeshme, pas pretendimeve që ngritën familjarët se vdekja iu shkaktua si pasojë e mjekimeve të gabuara që i kishte bërë stafi mjekësor i qytetit të Pogradecit. Po ashtu me kërkesë të familjarëve ekspertiza u krye nga ekspertë të Tiranës.
Kujtojmë se 46-vjeçarja me emrin Anila Bazelli dhe profesion mësuese humbi jetën në spital në rrethana të paqarta. 46-vjeçarja është paraqitur në spital e shoqëruar nga familjarë rreth orës 19:00, pasi nuk ishte ndjerë mirë, por gjendja e saj ishte përkeqësuar disa minuta pas mbërritjes në spital, duke ndërruar jetë.
Më pas 46-vjeçarja Anila Bazelli është transferuar në morgun e qytetit, por autopsinë që do të kryhet nga ekspertët nga Tirana.
