Ambasada ruse në Tiranë ka reaguar në lidhje me vdekjen e katër turistëve rus në Qerret të Kavajës, në rrethana ende të paqarta.
Me anë të një njoftimi zyrtar, ambasada ka bërë me dije se po vijojnë hetimet për të zbuluar shkaqet e ngjarjes së rëndë. Gjithashtu kanë bërë me dije se janë në kontakt të vazhdueshëm me organet ligjzbatuese. Ndër të tjera Ambasada Ruse ka theksuar se pritet një hetim i plotë nga ana e Shqipërisë për të zbardhur shkaqet e vdekjes. Gjithashtu kanë bërë me dije se do të riatdhesohen trupat e viktimave.
“Rreth vdekjes së katër shtetasve rusë në Shqipëri. Ambasada ruse në Shqipëri konfirmon vdekjen e katër shtetasve rusë (Natalia Burenkova, Sergey Burenkov, Ekaterina Burenkaya dhe Nikita Belousov) në një hotel afër qytetit një kafe.
Departamenti Konsullor i Ambasadës është në kontakt të vazhdueshëm me agjencitë ligjzbatuese të vendit dhe heton rrethanat e asaj që ka ndodhur. Ne llogarisim një hetim të plotë nga pala shqiptare e shkaqeve të vdekjes së rusëve. Njoftohen të afërmit e të ndjerit. Do të ketë riatdhesim të trupave në vendlindje”, thuhet në njoftim.
Sjellim në vëmendje se ngjarja e rëndë ndodhi të premten në orët e vona të mbrëmjes. Ka qenë recepsionisti ai që i ka zbuluar trupat e viktimave pasi grupi tjetër i turistëve q ishin me ta kanë vënë r mungesën e tyre.
