Kreu i Partisë Agrare Ambientaliste, Agron Duka, ka shprehur ngushëllimet e tij pas lajmit tronditës për vdekjen e Arben Tafajt.
Në një postim në rrjetet sociale, Duka ka theksuar se Tafaj ishte një njeri i jashtëzakonshëm dhe se lajmi për ndarjen e tij i ka tronditur të gjithë, dhe se për partinë ku Tafaj ka shërbyer si nënkryetar, është një humbje e madhe dhe e pazëvendësueshme.
Postimi i kreut të PAA, Agron Duka:
Lamtumirë, Arben Tafaj!
Miku, kolegu dhe njeriu i mrekullueshëm Arben Tafaj na la papritur, duke na tronditur thellë të gjithëve.
Për ne, kolegët e Partisë Agrare Ambientaliste, ku Beni ka shërbyer me përkushtim si nënkryetar, kjo është një humbje e madhe dhe e pazëvendësueshme.
Por mbi të gjitha, kjo është një ditë e rëndë dhe e dhimbshme për familjen Tafaj.
Në këtë moment të vështirë, ne i bashkohemi dhimbjes së tyre dhe lutemi që Zoti t’ju japë forcë për ta përballuar këtë humbje të rëndë.
Lamtumirë, mik i shtrenjtë!
