Ditën e djeshmë një ngjarje tragjike ka ndodhur në një kopësht privat të Fierit, ku , ku u mbyt me kapuçin e xhupit një fëmijë 3-vjeç.
Ndërkohë që një ditë pas vdekjes së 3-vjeçarit në kopshtin privat në Fier, është arrestuar edukatorja. Burime zyrtare të Policise bënë me dije se bëhet fjalë për 27-vjeçaren Redina Binjaku.
Edukatorja akuzohet për shkelje e rregullave te mbrojtjes ne pune.
NJOFTIMI I POLICISE
Specialistët për Hetimin e Krimeve në Komisariatin e Policisë Fier nën drejtimin e Prokurorisë së Rrethit Gjyqësor Fier, arrestuan shtetasen R. B., 27 vjeçe, banuese në Fier, pasi në kopshtin privat ku punon si edukatore, ka humbur jetën aksidentalisht fëmija i mitur 3 vjeç, i cili duhej të ishte nën mbikqyrjen e kësaj shtetaseje.
Kujtojmë që lidhur me ngjarjen ka reaguar daja i vogëlushit i cili rrëfen sesi ishte gjendja e 3 vjeçarit kur kishte shkuar në spital. Ndër të tjera ai zbulon gjithashtu se mjeku i kishte thënë se i mituri kishte një shenjë në grykë.
“Unë jam daja i fëmijës. E kemi çuar në mëngjes djalin në kopsht, për të edukuar… më morën në telefon e më thanë hajde se djalin e keni keq, aty takuam doktorin, që ishte munduar të kthente djalin në jetë, ai më shpjegoi, më tha djali ka ardhur aty i pajetë, ne i bëmë të gjitha këto dhe djalin nuk e shpëtuam dot, më thanë që kishte një shenjë në grykë, për këtë duam drejtësi”, u sjpreh daja i 3 vjeçarit ditën e djeshme.
