Në datën 19 janar u regjistrua një tragjedi në Elbasan, teksa humbi jetën një vajzë 3-vjeçare.Ajo që u bë e ditur është se e foshnja mjekohej prej 4 ditësh në shtëpi, ndërkohë që është dërguar nga familjarët e saj me temperaturë të lartë në spital. 3-vjeçarja nga fshati Kusarth është dërguar në gjendje të rëndë me urgjencë në Pediatrinë e spitalit të Elbasanit.
Grupi hetimor ka kryer veprimet e para hetimore në vendngjarje dhe pritet ekspertiza mjeko-ligjore për përcaktimin e shkakut të humbjes së jetës Mësohet se 3-vjeçarja ka mbërritur në spital me një nivel oksigjeni 46, gjë e cila ka bërë që të mos mund të shpëtojë. Ndërkohë pas ekspertizës është zbuluar se shkak i vdekjes është Pneumonia bilaterale (Infeksion tek të dyja mushkëritë) dhe Insufiçence respiratore akute. Ndërkohë bluzat e bardha kanë deklaruar se kjo ka qenë arsyeja se pse vajza ka mbërritur me nivel të ulët oksigjeni në spital.
Njoftimi i policisë:
Më datë 19.01.2022, në orët e para të mëngjesit është dërguar në spitalin e Elbasanit, në gjendje të rëndë për jetën, shtetasja e mitur A. I., 3 vjeç, i cili pas disa orësh ka humbur jetën. Grupi hetimor ka kryer veprimet e para hetimore në vendngjarje dhe pritet ekspertiza mjeko-ligjore për përcaktimin e shkakut të humbjes së jetës.
Ndërkohë pas tragjedisë, policia ka nisur një procedim penal për të dy mjekët. Grupi hetimor ka marrë në pyetje për disa orë mjeken Mira Karaj dhe mjekun Gentian Alla që janë kujdesur për vajzën kur ajo ka mbërritur në spital dhe i ka dhënë mjekim ambulator.
Njoftimi i policisë:
Nga specialistët për Hetimin e Krimit në Komisariatin e Policisë Elbasan u procedua penalisht për veprën penale “Neglizhenca në trajtimin mjekësor”, shtetasi G. A., 47 vjeç, banues në Elbasan, me detyrë mjek në Spitalin Rajonal Elbasan, pasi ditën e djeshme është dërguar në spital, në gjendje të rëndë për jetën, një shtetase e mitur 3 vjeçe, e cila pas disa orësh dyshohet se ka ndërruar jetë për shkak të neglizhencës në trajtimin mjekësor. Materialet i kaluan Prokurorisë, për veprime të mëtejshme.
