Një 27 vjeçar ka humbur jetën ditën e sotme në Cërrik si pasoje e plasjes së një lënde shpërthyese të cilën ai po e mbantë në duar.
Ndërkohë janë zbardhur detaje të reja nga vdekja tragjike e 27-vjeçarit i quajtur Erion Rexhepi.
Dyshohet se lënda eksplozive ka shpërthyer në rrugën kryesore në dalje të banesës së tij, ndërsa siç mund ta shikoni nga pamjet e siguruara nga “Fax Neës” më poshtë trupi i pajetë i viktimës qëndron i shtrirë në rrugë. Është misterioze ngjarja e cila dyshohet se shpërthimi i lënës plasëse ka ndodhur aksidentalisht në dorën e të 27-vjeçarit Erion Rexhepi.
Kujtojmë që raportimi i parë nga vendi i ngjarjes ishte për një shpërthim të bombolës së gazit, por policia konfirmoi se viktima kishte humbur jetën si pasojë e lëndës plasëse.
“Më datë 30.12.2021, rreth orës 12:15, në aksin rrugor Elbasan-Belsh, në vendin e quajtur “Kryqëzimi i lagjes nr. 3”, Cërrik, në rrugë, dyshohet se aksidentalisht, shtetasit E. R., 27 vjeç, banues në Cërrik, i ka shpërthyer një sasi lëndë plasëse në dorë dhe për pasojë ka humbur jetën. Në vendngjarje ka mbërritur grupi hetimor dhe nën drejtimin e Prokurorisë po vijon puna për sqarimin e rrethanave të ngjarjes”, thuhet në njoftimin e Policisë së Shtetit.
