Një 20-vjeçar u gjet ditën e djeshme i pajetë në Durrës. Trupi i tij u gjet në anë të rrugës, tek ish-hotel Vollga.
Ditën e djeshme mediat raportuan se ishte shtetas sirian, ndërsa sot policia ka deklaruar se ishte shtetas nga Maroku.
Policia ka marrë në pyetje dy shokët e viktimës, të cilët kanë qenë të pranishëm gjatë ngjarjes.
Sipas deklarimeve të tyre dhe monitorimit të kamerave të sigurisë së subjekteve dhe mjekësisë ligjore, rezulton se 20-vjeçari është hedhur nga kati i 3 i objektit në kushtet e depresionit.
Mjekësia ligjore, në përgjigjen e saj, përcakton këtë si shkak të vdekjes.
Në deklarimet e bëra për grupin hetimor, shokët e të ndjerit kanë pohuar se kanë konsumuar edhe alkool një natë me parë dhe më pas kanë shkuar për të fjetur në objektin e braktisur, ish-hotel “Vollga” dhe 20-vjeçari duke bërtitur është vetëhedhur në prani edhe të shokëve të tij, momente të cilët i kanë fiksuar dhe kamerat e sigurisë.
