Është rritur numri i viktimave që humbën jetën pasi një teleferik ra në një mal afër Liqenit Maggiore në Italinë Veriore të Dielën. Sips zyrtarëve të urgjencës, janë të pakëtn 12 të vdekur.
Aksidenti ndodhi në një shërbim që transportonte pasagjerë nga qyteti turistik i Stresa deri në malin aty pranë Mottarone në rajonin e Piemonte. Imazhet nga skena tregojnë rrënojat e përhapura në një zonë të pjerrët me pyje.
Zyrtarët thanë se dy fëmijë, të moshës pesë dhe nëntë vjeç, u morën nga vendi i ngjarjes me helikopter për në një spital të Torinos. Në një tëeet që konfirmon numrin e fundit të vdekjeve, zyrtarët e shpëtimit alpin paralajmëruan se numri i përgjithshëm i viktimave mund të rritet akoma më tej.
Media lokale raporton se një numër shërbimesh, përfshirë policinë dhe zyrtarët e zjarrfikësve, mbeten në vendin e ngjarjes. Shkaku i incidentit mbetet i paqartë, por raportet lokale sugjerojnë që kablli që mbante automjetin mund të jetë këputur në rreth 300 metra (984 metra) nga maja e malit. Pamjet nga vendi i ngjarjes treguan terrenin e pjerrët me të cilin u përballën ekipet e shpëtimit.
Kryeministri italian Mario Draghi e përshkroi rrëzimin si një “aksident tragjik” dhe tha se ai po merrte azhurnime nga ministri i infrastrukturës dhe transportit si dhe zyrtarët lokalë.
“Unë shpreh ngushëllimet e të gjithë Qeverisë për familjet e viktimave, me një mendim të veçantë për fëmijët e plagosur rëndë dhe familjet e tyre,” tha ai në një deklaratë.
