Nuk kanë fund skandalet me linjën ajrore “Wizzair”. Rasti më i fundit është ai fluturimit ditën e djeshme, nga Tirana më Bari që ishte planifikuar për t’u nisur në orën 21:30 dhe u shty për në 22:30.
Pasagjerët në ankth kanë pritur deri në orën 1:30 të mëngjesit dhe si përfundim fluturimi u anulua.
Ata u lanë pa ushqim dhe pa informaion për disa orë brenda aeroportit.
Deri në orën 2:00 të mëngjesit nuk u dha asnjë shpjegim, për këtë situatë të krijuar. Në orën 2 u kanë thënë se do nisen sot në orën 13:00.
Deri në 4:00 të mëngjesit i kanë lënë duke u sjellë nëpër aeroport dhe në orën 4:30 i kanë çuar në një hotel, por jo të gjithë.
Javët e fundit me rritjen e trafikut ajror falë ardhjes së turistëve, vonesat me fluturimet e WizzAir nga dhe drejt Shqipërisë janë shtuar, duke shkaktuar probleme dhe pakënaqësi mes udhëtarëve, të cilët nuk kanë asnjë formë mbrojtjeje.
Sipas kompanisë mund të bëhet dëmshpërblim vetëm kur vonesa kalon 3 orë, por në rastin e mësipërm ky afat kohor është tejkaluar.
Ndërkohë që përgjegjësit dhe autoritetet nuk kanë bërë ende asnjë reagim për këtë situatë kaotike! “Wizzair” duhet sanksionuar për makthin që po u shkakton pasagjerëve.
View this post on Instagram
