Beteja ndaj zjarreve në vendin tonë është duke vazhduar, teksa kryeministri Edi Rama bën me dije se ka disa lajme të mira. Rama shkruan në një status në Facebook se e keqja e madhe në disa fshatra në Selenicë të Vlorës është shmangur, dhe mjete e trupa janë shtuar për t’i dhënë fund vatrave të zjarrit. Kryeministri bën me dije se në zonë po punon edhe një helikopter.
Më tej rama thotë se një helikopter tjetër është në Llogara dhe 48 forca speciale dhe zjarrfikës po punojnë në majën e malit në kufi të Parkut të Llogarasë.
“Ndërsa lufta vazhdon me flakët në vend, disa lajme të mira ka:
E keqja e madhe në disa fshatra të Selenicës së Vlorës u shmang. Por nga ana tjetër trupa dhe mjete janë shtuar për t’i dhënë fund vatrave të zjarrit.
Në zonë po punon edhe një helikopter.
Në Llogara është rikthyer optimizmi falë erës në favor ndërsa një helikopteri tjetër po hedh ujë.
48 forca speciale dhe zjarrfikës po punojnë në majën e malit në kufi të Parkut të Llogarasë.
Forcat tona po arrijnë të largojnë nga parku zjarrin.
***Ndërhyrje gjithashtu janë bërë edhe në Vithkuq (Korçë), në Mallakastër, në Tarabosh (Shkodër), Qerem (Tropojë), Kalise (Kukës), Mavropull (Delvinë)”, shkruan Rama.
