Radhët më mjetet e identifikimit vazhdojnë dhe qytetarët shprehen të pakënaqur rreth kësaj çështjeje. Të ndodhur para këtij fakti, institucionet kryesore shtetërore dhe zyrat e aplikimit anë vendosur që zyrat të jenë hapur edhe ditën e shtunë dhe kjo për të përballuar flukset si në momentin e aplikimit ashtu edhe në momentin e tërheqjes së dokumentit, pasaportës ose kartës së identitetit.
Këtë njoftim e ka bërë vet Ministria e Brendshme, e cila ka thënë se nuk është vetëm Tirana që e përfiton këtë avantazh, por janë 9 qytete në total, ku përfshihen: Berat, Durrës, Elbasan, Fier, Lushnje, Korçë, Shkodër, Kamëz dhe Vlorë.
“Zyrat e aplikimit për karta ID, të hapura edhe të shtunën në qytetet kryesore të vendit
Drejtoria e Përgjithshme e Gjendjes Civile, për shkak të fluksit të aplikimeve për karta ID dhe për t’u ardhur në ndihmë qytetarëve, ka urdhëruar hapjen e zyrave të aplikimit për Tiranën dhe disa prej qyteteve kryesore të vendit, të shtunën, datë 9 Shkurt.
Në kuadër të masave që janë marrë për përballimin e fluksit, nesër, përveç Tiranës, do të jenë funksionale zyrat e aplikimit në qytetet: Berat, Durrës, Elbasan, Fier, Lushnje, Korçë, Shkodër, Kamëz dhe Vlorë”, thuhet në njoftim.
