Banaking nuk ndalet! Mesditën e sotme një sasi prej rreth 31 kg kokainë është gjetur në Portin e Durrësit.
Mësohet se droga është gjetur në kontejnerët me banane të firmës ‘BanaKing’.
Gjë jo e habitshme kjo pasi nuk është hera e parë që i është gjetur kokainë në kamionët e saj. Edhe pse për ‘bëmat’ e Banaking ka patur reagim edhe nga DEA amerikane e cila ‘nxorri zbuluar’ Trifon Muratajn duke sjellë informacion për trafik kokaine që nga viti 2014 e në vazhdim, Banaking nuk ndalet dhe ska arsye pse ta bëjë kur nuk ndalohet nga asnjë hallkë e shtetit.
Fillimisht bëhet me dije se janë gjetur vetëm 31 kg kokainë ditën e sotme, por me siguri ka pasur sërish gabim në organizim siç ka ndodhur më parë dhe janë kapur me qindra, prandaj edhe sot me shumë mundësi do ketë qenë ‘1 ton’, por nuk bëhen ende publike deri në momentin kur nuk mban më “thesi”.
Ndërkohë, 84 kontejner po i nënshtrohen kontrollit, teksa pritet të skanohet edhe kamioni, pasi ka dyshime se ka sasi të tjera.
Gjithsesi nga sa raportohet deri më tani droga dyshohet se vinte nga Ekuadori, teksa priten të mësohen të tjera detaje në vijim.
Kujtojmë se policia ka nisur hetimet për zbardhjen e plotë të rastit dhe identifikimin e personave të përfshirë, po kjo nuk do të thotë që Banaking do të ndalojë procesin e saj…
