Varianti i ri i “Omicorn” i Covid-19 ka alarmuar atshmë të gjithë botën dhe po përhapet me shumë shpejtësi. Studimet e bëra në lidhje me variantin “Omicron” vënë theksin më shumë tek aftësia e tij për t’u përhapur shumë shpejt sesa tek rrezikshmëria e lartë.
OBSH bën deklaratën e fortë, duke thënë se se më shumë se gjysma e popullsisë së rajonit do të infektohet me variantin në dy muajt e ardhshëm.
Hans Kluge, drejtori i OBSH-së për Europën, tha se janë regjistruar më shumë se 7 milionë raste të reja në javën e parë të vitit 2022.
Kluge tha se varianti tani është raportuar në 50 nga 53 shtetet e rajonit dhe po bëhej dominues në Europën Perëndimore. “Me këtë ritëm, më shumë se 50% e popullsisë në rajon do të infektohet me Omicron në gjashtë deri në tetë javët e ardhshme”, tha ai – një shkallë transmetimi të cilën e përshkroi si të paprecedentë.
Ndikimi i Omicron do të jetë më vdekjeprurës në vendet ku normat e vaksinimit janë më të ulëta, si Europa Qendrore dhe Lindore, parashikoi Kluge, duke thënë se ai ishte “thellësisht i shqetësuar”.
Transmetueshmëria më e madhe e Omicron nënkupton që autoritetet duhet të përgatiten për një përzierje të mësimit online dhe fizik, theksoi Kluge.
