Australia ka mbyllur kufijtë e saj, për shkak të frikës së variantit të ri të COVID-19.
Autoritetet patën thënë më herët se do të lejonin hyrjen e emigrantëve dhe të studentëve të vaksinuar duke filluar nga data 1 dhjetor, por mesa duket ky urdhër ka ndryshuar.
Kryeministri Scott Morrison deklaroi që vendimi do shtyhet për shkak të situatës së krijuar në botë.
Autoritetet shëndetësore zbuluan pesë udhëtarë të infektuar me Omicron gjatë ditëve të mëparshme. Qeveria i ka ndaluar dhe qytetarëve të saj daljen jashtë territorit australian. Kjo strategji është përdorur për të mbajtur nën kontroll pandeminë, por ka ndarë dhe shumë familje.
Australia lejon tani vetëm udhëtimet e qytetarëve të vaksinuar plotësisht të Zelandës së Re dhe Singaporit. Komiteti i Sigurisë Kombëtare deklaroi se vendimi u bllokua për të parë efikasitetin e vaksinave dhe ndikimin e virusit.
Ndërkohë Organizata Botërore e Shëndetësisë u shpreh se Omicron është një rrezik infektimi edhe për ata persona që kanë vuajtur më parë nga Covid-19.
Përballë kësaj situate OBSH rekomandoi që vendet të mos nxitohen duke bllokuar udhëtimet, por të bazohen në të dhënat shkencore.
Tashmë kompania farmaceutike “BioNTech” tha të hënën se ka filluar punën për një vaksinë të përshtatur për variantin e ri të koronavirusit Omicron, që po përhapet më të madhe në vende të ndryshme të
BioNTech nisi të punonte në modifikimin e vaksinës, megjithëse nuk ishte ende e qartë nëse do të ishte e nevojshme të ripërpunonte vaksinën e saj për këtë variant.
