Varianti i ri i Covid-19 i cili tashmë ka mbërritur në Europë, ka shkaktuar jo pak frikë për shkak të agresivitetit që ai pretendohet të ketë. Në një deklaratë, OBSH thotë se varianti i ri afrikan ka një numër të madh mutacionesh, disa prej të cilave janë shqetësuese.
Dëshmitë paraprake sugjerojnë një rrezik të shtuar të riinfeksionit me këtë variant, në krahasim me variantet e tjera, thotë ai.
OBSH e ka riemëruar llojin B.1.1.529 të zbuluar së fundmi Omicron. Varianti u raportua për herë të parë në OBSH nga Afrika e Jugut të mërkurën. Ai është identifikuar gjithashtu në Botsvanë, Belgjikë, Hong Kong dhe Izrael.
OBSH thotë se do të duhen disa javë për të kuptuar ndikimin e variantit të ri.
Ndwrkohw rasti i parë i variantit të ri të Covid, i identifikuar për herë të parë në Afrikën Jugore, është konfirmuar edhe në Belgjikë, me laboratorët në vend duke rritur vigjilencën e tyre për të kapur llojin potencialisht më të transmetueshëm.
Një pacient që kthehej nga Egjipti, nëpërmjet Turqisë, kontraktoi variantin, sipas Laboratorit Kombëtar të Referencës, i cili dërgoi një komunikim mbarëkombëtar për të rritur urgjencën për pasagjerët që mbërrinin nga Afrika e Jugut. Dy raste të tjera të mundshme u analizuan të premten, ku njëri u identifikua si një variant delta dhe tjetri lloji i ri B.1.1.529. Ky i fundit mendohet se mund të jetë rezistent edhe ndaj vaksinave.
