Komisioneri Europian për zgjerimin, Oliver Varhelyi ka thënë se BE dëshiron që 6 vendet e Ballkanit Perëndimor të jenë pjesë e nismës “Open Balkans”.
Ai ka folur edhe për çështjen e liberalizimit të vizave për Kosovën dhe është shprehur se BE po ndalon veten për të ecur përpara.
“U bëj thirrje 6 vendeve të Ballkanit ti kthehen tregut të përbashkët rajonar dhe bashkëpunimit. Duam që të 6 vendet e Ballkanit Perëndimor të jenë pjesë e Ballknit të Hapur.
Avancimi i shpejtë sa i përket liberalizimit të vizave me Kosovën ne kemi bërë propozimet tona por vendet anëtare të BE-së nuk po marrin një vendim. Ne po ndalojmë veten tonë për të ecur përpara. Ne mund t’i marrim këto vendime. Duhet të bindim vendet anëtare që të liberalizojnë vizat”, ka thënë komisioneri.
Ai është ndalur edhe tek negociatat dhe ka thënë se deri në fund të vitit ato duhet të jenë hapur për Shqipërinë dhe Maqedoninë e Veriut. Varhelyi ka kërkuar angazhim nga dy vendet, ndërsa shtoi se rezultatet e zgjedhjeve nuk duhet të jenë një pengesë.
“Sa i përket Shqipërisë dhe Maqedonisë për negociatat ne po përpiqemi që t’i bëjmë gjërat të ecin përpara por deri tani nuk kemi patur sukses. Deri në fund të viti kjo duhet të rezlizohet. Unë kam udhëtuar në Shqipëri dhe Maqedoni por duhet angazhim nga të dyja palët. Rezultatet e zgjedhjeve na penguan pak në lidhje me punën por nuk duhet të jenë një pengesë pasi zgjedhjet “shkojnë e vijnë”, u shpreh Varhelyi .
