Raphael Varane duket se është gjithnjë e më shumë larg Realit të Madridit, teksa sezonin që pritet të fillojë me shumë mundësi do e shohim me fanellën e Manchester United.
Mbrojtësi 28-vjeçar pritet të transferohet në “Old Trafford” për një shumë prej rreth 50 milionë eurosh, por BBC shkruan se janë vetëm detajet përfundimtare të kontratës ato që mungojnë.
Ka qenë vetë mbrojtësi francez ai që nuk dëshironte të zgjaste kontratën aktuale me madrilenët, duke ndjekur largimin e nëj tjetër mbrojtësi, kapiteni Sergio Ramos për te PSG.
Transferimi i Varane do të vinte pasi Manchester United ka pasur një merkato me mjaft shpenzime deri tani. Transferimi i Jadon Sancho nga Borussia Dortmund i kushtoi më shumë se 85 milionë euro.
Trajneri i United, Ole Gunnar Solskjaer e bëri përparësi forcimin e qendrës së mbrojtjes së skuadrës së tij pasi të ishte arritur një marrëveshje për anësorin e Anglisë, Sancho.
Varane u bashkua me Realin në vitin 2011 nga klubi francez Lens dhe ka një përvojë të pasur, duke fituar tre tituj në La Liga dhe katër tituj të Ligës së Kampionëve ndërsa ishte në Spanjë. Ai fitoi Kupën e Botës me Francën në vitin 2018, ka fituar 79 ndeshje dhe ka luajtur në të katër ndeshjet në Euro 2020 pasi francezët arritën në 16 të fundit.
