E Ngarkuara me Punë e Shteteve të Bashkuara të Amerikës në Shqipëri, Nancy VanHorn, zhvilloi një takim me kryetaren në detyrë të Gjykatës së Posaçme të Apelit kundër Korrupsionit dhe Krimit të Organizuar, gjyqtaren Saida Dollani.
Në një njoftim të ambasadës amerikane, u theksua se VanHorn shprehu mbështetje të palëkundur për gjyqtaren Dollani dhe kolegët e saj, të cilët po tregojnë guxim të jashtëzakonshëm dhe sakrificë personale në luftën kundër korrupsionit dhe krimit të organizuar.
“Vendimet e tyre janë thelbësore për të mbyllur ciklin e mosndëshkimit në Shqipëri. Ambasada e SHBA mbetet e angazhuar në mbështetje të institucioneve të drejtësisë në Shqipëri, për të ruajtur drejtësinë dhe integritetin,” thuhet në njoftim.
