Ka përfunduar takimi me kreun e PD-së, Lulzim Basha, dhe aleatët e opozitës së bashkuar janë shprehur në prononcim për media. Në fillim ishte Fatmir Mediu i cili u shpreh se nuk pranojmë Ramën si pjesë të zgjidhjes.
Ndërsa Vangjel Dule tha se ditën e nesërme në takimin me presidentin Ilir Meta do të prezantohet edhe platforma për zgjidhjen e krizës politike në vend.
“Siç jeni në dijeni nesër në orën 11:00 do të zhvillohet takimi me Presidentin Meta. Do t’i paraqesim platformën tonë, që përbën një bazë të mirë për të nisur përpjekjen e të gjitha palëve për konsensusin e domosdoshëm, që kërkon realiteti jonë. Kemi një koalicion i cili është funksional mbi bazën e parimeve të demokracisë. Zgjedhje me një palë nuk duhet, nuk mund dhe nuk do të ketë. Arroganca, prepotenca e zotit Rama nuk i shërben këtij objektivi. Kemi konverguar me PD-në, nëse platforma jonë është pjesë e takimit të presidencës ne do të kontribuojmë në zgjidhjen e situatës së rëndë ku ndodhet vendi” – theksoi Dule.
