Kryetarja e Lëvizjes Socialiste për Integrim, Monika Kryemadhi nuk i ka kursyer ironitë ndaj kryeministrit Rama duke thënë se sot ai vallëzonte si balerinë (referuar daljes së Ramës në media), ndërsa në 25 prill nuk do mundet as të lëvizë qafën.
“Për shkak të fatkeqësisë që ndodhi, të vdekjes së shokut tonë, kisha detyrim që të merrja pjesë në lamtumirën e tij. Rama sot shfrynte dhe turfullonte. Turfullonte e shkumëzonte sepse kishte listë humbëse dhe ka përballë listën fituese. Rama vallëzonte si balerinë, por e garantoj se më 25 prill as qafën nuk do ta lëvizë dot”, tha kryemadhi.
Ajo gjithashtu u shpreh se Rama është një njeri me probleme psikike dhe se Manastirliut i thotë ‘luleshtrydhe. Kryemadhi tha se Rama e ka shkatërruar shëndetësinë, ndërsa mjektë i ka future në hasmëri me pacientët.
“Rama është një njeri që ka probleme psikike, duke bullizuar të tjerët. Harron se farë përfaqëson vetë. Manastirliut, Rama i thotë luleshtrydhe. Shqiptarët paguajnë para për ilaçet, kurse mjekët i ka futur në hasmëri me pacientët. Shëndetësia shqiptare është në disfatën më të madhe në histori”, ka thënë kryetarja e LSI.
Ndër të tjera Monika Kryemadhi ka thënë se Rama do të ngelet vetëm një humbës dhe do të mbahet mend si njeriu që shkatërroi shqiptarët.
“Edi Rama ti je vetëm një burrë, që do ngelesh një humbës. Do mbahesh mend si njeriu që shkatërroi shqiptarët. Do mbahesh mend si njeriu që shqiptarët e tërhoqën zvarrë më 25 prill”, tha Kryemadhi.
