Shqipëria ka shënuar një sukses të madh në Kampionatin Europian të Mundjes që po zhvillohet në Bratislavë të Sllovakisë, duke fituar dy medalje të rëndësishme.
Chermen Valiev është kurorëzuar kampion Europe në kategorinë deri në 72 kilogramë, pas një performance mbresëlënëse në finale kundër mundësit rus Sidakov. Valiev siguroi medaljen e artë për Shqipërinë me një fitore të pastër 4-2, duke e ngjitur flamurin kuqezi në majën më të lartë të podiumit.
Suksesi shqiptar u plotësua nga një tjetër performancë e shkëlqyer. Zelimkhan Abakarov siguroi medaljen e bronztë, pasi dominoi në mënyrë bindëse moldavin Colesnic në finalen për vendin e tretë, me rezultatin e thellë 11-0.
Dy medaljet e fituara konfirmojnë rritjen dhe potencialin e mundjes shqiptare në arenën ndërkombëtare.
