Para pak ditësh në Serbi mbërritën dozat e para të vaksinës kineze anti-covid. Ndērsa ditën e sotme dresidenti i Serbisë, Aleksandër Vuçiç, deklaroi se ekziston një plan për vaksinimin e serbëve në Kosovë, dhe shtoi se Serbia është e gatshme të ndajë vaksina edhe për popullatën shqiptare
“Një pjesë e njerëzve nga disa komuna duhet të vaksinohen në veri të Kosmetit, dhe një pjesë në Rashkë. Serbët që jetojnë në Kosovë do të jenë në gjendje të vaksinohen në Bujanovac. Një pjesë e veçantë e Shtabit të Krizave dhe Zyra për Kosovë dhe Metohi do të merren me këtë, dhe ne do të shohim se si t’i ndihmojmë shqiptarët nëse mundemi,” tha ai.
Por Vuçiç u pyet edhe nëse ai pret që të ketë probleme me shpërndarjen e vaksinave, duke pasur parasysh përvojën e mëparshme kur në Prishtinë paralajmëruan të marrin masa për hyrjen e këtyre vaksinave ilegalisht në Kosovë, Vuçiç u përgjigj shkurtimisht se “politika është një mrekulli” dhe shtoi se “Serbia do ta gjente një mënyrë”. Ai theksoi se Serbia do ta gjejë një mënyrë për të ndihmuar njerëzit e saj, ashtu si arriti të “mbushë dyqanet me mallra” gjatë taksës 100%.
Ndërkohë në lidhje me dhurimin e 8 mijë vaksinave Maqedonisë së Veriut, Vuçiç tha se ky veprim tregon përgjëgjësinë e tyre dhe gatshmërinë për të ndihmuar.
“Mendoj se kjo tregon përgjegjësinë tonë dhe se nuk jetojmë në një ‘botë të izoluar’”, tha Vuçiç.
