Mijëra qytetarë francezë kanë dalë në protesta ditën e djeshme në rrugët kryesore të qyteteve, kundër planit të presidentit Emmanuel Macron për të kvrkuar një certifikatë vaksinimi, ose thënë ndryshe, test PCR negativ për të hyrë në bare, kinema dhe restorante.
Sipas asaj që raporton Reuters, policia hodhi gaz lotsjellës në disa raste, ndërsa protestuesit përmbysnin koshat e plehrave dhe i vunë zjarrin disa të tjerave. Disa protestues kishin disa pankarta ku thuhej “Jo për kartën e shëndetit”, ”Është totalisht jo demokratike”.
Presidenti Macron thotë se vaksina është mënyra më e mirë për ta kthyer Francën në rrugën e normalitetit dhe se ai po inkurajon sa më shumë njerëz që të inokulohen.
Ndër propozimet e tjera në projekt-ligjin e qeverisë, është edhe izolimi i detyrueshëm për 10 ditë i kujtdo që rezulton pozitiv, me policinë që bën kontrolle të rastësishme, njoftuan mediat franceze.
Zyra e Kryeministrit nuk u përgjigj kur u pyet për të konfirmuar detajet. ”Macron luan me frikën, është revoltuese. Unë njoh njerëz që tani do të vaksinohen vetëm në mënyrë që të mund të marrin fëmijët e tyre në kinema”, tha një prej protestuesve.
Kujtojmë se Macron ka pasur shumë qytetarë kundër kohët e fundit, që nuk kanë ngurruar të dalin në protesta. Madje, njëri prej tyre e ka goditur me shpullë presidentin francez pak javë më parë.
