Ministri i Shtetit për Rindërtimin, i ngarkuar gjithahstu edhe me negociimin për ardhjen e vaksinave në Shqipëri, Arben Ahmetaj ka thënë se qeveria është në kontakte për të sjellë edhe Johnson & Johnson në vend. Ahmetaj ka thënë se nuk ka kategori të veçantë vaksinash për s ai përket efektshmërisë dhe se qeveria i beson ekspertëve
“S’ka kategori vaksinash as A, as B, as C. Unë do t’i referohesha institucioneve. Dhe komiteti i ekspertëve, komiteti teknik dhe ISHP dhe autoriteti i barnave e kanë autorizuar dhe lejuar përdorimin e gjerë në popullatë të kësaj vaksine dhe ne do t’i besojmë ekspertëve. Përtej besimit që kemi tek përdorimi i kësaj vaksine në vendet e tjera, janë bërë 80 milionë Sinovac deri tani. Ne jemi në kontakt me Johnson&Johnson siç jemi me firmat e tjera, shumë prodhues të tjerë,” tha Ahmetaj.
Më tej ai ka treguar edhe se kush po negocion për të sjellë vaksinat Sputnik V në Shqipëri. Është fondacioni Tony Blair që është duke ndihmuar dhe kryeministri rama ka folur me të për të sjellë një sasi vaksinash ruse.
“Ne përdorim rrugën më të shpejtë dhe më efektive. Rruga më e shpejtë dhe efektive rezulton nëpërmjet nga prodhuesi, nëpërmjet COVAX për Astra Zeneca dhe nëpërmjet një distributori të autorizuar, siç është rasti i Sinovac. Për Sputnik fondacioni Tony Blair po negocion fortë për sjelljen në Shqipëri. Nuk e kam marrë informacionin për çfarë sasie, por ai vetë, kryeministri ka folur disa herë me të, unë kam folur me të, për të sjellë një sasi Sputnik që ata e negociojnë me distributor apo prodhues të Sputnik. Apo Emiratet e bashkuara që dhurojnë 10 mijë Sputnik”, tha Ahmetaj.
