Deputeti Ralf Gjoni dhe ministrja e Shëndetësisë Ogerta Manastirliu janë përplasur ashpër në seancën e sotme plenare, pas akuzave që Gjoni ka hedhur ndaj ministres, duke thënë se vaksina anti-covid e Covax, kompania me të cilën ka bërë marrëveshje qeveria shqiptare nuk dihet a do të ketë efikasitet.
Gjoni tha se nuk dihet se çfarë lloje kimitikatesh do të vijnë në vendin tonë, duke akuzuar edhe qeverinë për mostransparencë.
Ministrja Manastirliu:
“Qeveria shqiptare ka bërë një marrëveshje me organizatën Gavi, ku priten që 1 milionë e 140 mijë doza vaksine që do të prokurohen, më tej të vijojmë me negociatat kur vaksina e sigurtë të jetë e disponueshme”
Deputetja Milva Ikonomi:
“Aleanca Gavi është partner i OBSH-së, UNICEF-it, Bankës Botërore dhe organizma të tjerë, për mbulimin e shëndetit social, publik. Komuniteti i ekspertëve të imunizimit, e ka certifikuar si një prej organizatave dhe kompanive që merren me hulumtimin për gjetjen e vaksinës efektive anti-Covid.
Ralf Gjoni: Aleanca Gavi, me iniciativën e Covax, është projekt i Bill Gates, i cili ka 2 miliardë dollarë fonde për të kryer hulumtime te një vaksinë që ende nuk ka dalur.
Aleanca Gavi është krijuar nga Bill Gates në bashkëpunim me OBSH-në, kreu i të cilës është Tedros Adhanom Ghebreyesus, një humbamen i cili ngre dyshime për mënyrën e drejtimit të këtij organizmi ndërkombëtar.
Kaq problem është bërë OBSH saqë BE është organizuar për një strukturim total, të mënyrës se si duhet të japë fonde drejt Organizatës.
Një organizatë multilaterale, dështake,që në janar u bënte thirrje njerëzve që të lanin duart me sapun! Shkencë e madhe!
Si ka mundësi zonja ministre, që Franca, një zyrtar i ministrisë së Shëndetësisë atje, vetëm para një muaji në këmbim të ruajtjes së anonimatit, foli për media serioze franceze në lidhje dhe përsa i përket Covaxit.
Sipas zyrtarit të ministrisë së Shëndetësisë franceze, Franca do ta ndihmojë me fonde Covax-in për vaksinat në vendet e botës së tretë, por vetë nuk do ta marrin. Ndërsa ne duhet të kemi besim te efektiviteti i një vaksine që nuk ekziston ende.
Çfarë garancie keni ju që kjo dozë do të funksionojë, përse vendet e zhvilluara preferojnë të zhvillojnë marrëveshje paraprake me kompani të tjera serioze si Faizer, Glaxon Smith, Jhonson and Jhonson, Moderna, sepse kanë kapacitetet dhe mundësitë për ruajtjen e vaksinave në mënyrë frigoriferike në -70 gradë.
Franca nuk do të blejë vaksina nga programi, SHBA nuk do të blej nga Covax , Britania jo. Pse këto nuk i duan, kurse ne duket të kemi besim tek një vaksin që nuk ekziston ende. Çfarë lloj kimikatesh do bini në vendin tonë?
(Nënkryetarja Hysi i ndërpret fjalën dhe i mbyll mikrofonin deputetit Ralf Gjoni)
Replikon ministrja e Shëndetësisë:
“Një shprehje thotë: Kur shumica punojnë ka edhe nga ata që konspirojnë.Mos konspironi, punoni, mos bëni politikë me pandeminë, t’i fusni demek ato çipat në kokë qytetarëve.
Ne nuk do të kemi vetëm aksesin, por edhe vaksinimin e sigurtë në bazë të marrëveshjes me Organizatën Gavi.
Gjoni është nga ata që konspirojnë. Marrëveshia që ky parlament garanton është që kur të jetë vaksina do të jetë efikase dhe e sigurt që do të jenë pranuar edhe vaksinat e Modernës, të gjitha vaksinat, Covax është një instrument që financohet në të gjitha vendet. Shqipëria do të financojë për vaksinën e sigurt. Informohuni mirë përpara se të dizinformo. Pandemia ka sjellë lodhje. Asgjë nuk do të vi në vemdin tonë po u siguruar. Është e turpshme gjërat që thoni, ka njerëz që i kanë sytë nga televiziori,” tha Manastirliu.
(Deputeti Gjoni shpërthen në të bërtitura nga vendi)
Manastirliu:
Instrumenti GAVI, mundëson po të njëjtën akses si për vendet e vogla si për vendet e mëdhaja, dhe do të merret e njëjta vaksinë e sigurtë kur të prodhohet, nga të gjitha vendet.
Deputeti Adriatik Alimadhi:
Kam qenë në pikën e fundit nga Covidi, saqë edhe doktoresha Çomo nuk më dha më shpresë. Në momentin kur do të më transportonin tek spitali Covid-2 “Shefqet Ndroqi”, të afërmit e mi shkuan te një mjek popullor, Ylli Merja, i cili më shpëtoi falë një ilaçi me pika.
Ndërsa në debat është përfshirë edhe deputeti Halit Valteri, i cili i ka dalë në mbrojtje ministres së Shëndetësisë.
“Po dëgjojmë njerëz që tallen me këtë flamë, ndërsa ne kemi humbur jetën e të afërmve. Zonja ministere një faleminderit për gjithçka që bëni dhe të gjithë mjekëve.
Nuk ka vend për të dizinformuar opinionin, mos bëjmë politikë me jetën. Nuk mund të thotë se kjo sëmundje nuk ekziston. Mblidhni mendjen sepse shqiptarët kanë nevojë për mbështetje. Ju lutem mos hani kot atë që nuk thuhet,” tha Valteri./GazetaReforma.com/
