Kryeministri në detyrë i Kosovës, Avdullah Huti ka deklaruar ditën e sotme se së shpejti në vend do të arrijnë vaksinat antiCovid. Hoti e bëri këtë deklaratë në mbledhjen e sotme të Komitetit për COVID.
“Jemi në fazën finale të kësaj pandemie, për disa javë presim arritjen e vaksinave dhe do të fillojmë vaksinimin masiv. Informatat që mora dje nga ministri i Shëndetësisë dhe drejtori i IKSHPK-së, janë shumë inkurajuese edhe për përgatitjet teknike”, tha Hoti.
Ai ka përforcuar edhe njëherë qëndrimin e Qeverisë së Kosovës për vaksinat ruse, duke thënë se kanë bërë gjithë përpjekiet për të sjellë vaksina sipas standardeve të BE. Hoti ka thënë se ata që e kritikojnë Qeverinë e Kosovës nuk e tregojnë të vërtetën për vaksinat e dyshimta që kanë mbërritur në vendet e rajonit, shkruan Telegrafi.
“Kemi bërë të gjitha përpjekjet për të sjellë vaksinën sipas standardeve të BE-së. Nuk kemi hyrë në lojëra për të sjellë vaksinën nga vendet e lindjes, vaksina këto të cilat nuk janë të certifikuara nga vendet e BE-së. Ata që kritikojnë pa nevojë nuk e tregojnë të vërtetën se nga kanë ardhur qindra vaksina në vendet e regjionit të cilat janë me origjinë të dyshimtë”, tha Hoti.
Edhe ministri i Shëndetësisë, Armnd Zemaj, kishte dejlaruar më parë se Kosova nuk do ta merrte kurrë vaksinën ruse, pavarësisht gjendjes jo të letë të COVID.
