Presidenti Joe Biden inkurajoi prindërit dhe kujdestarët që të autorizojnë që fëmijët e tyre të vaksinohen për Covid-19, pasi FDA id ha dritën jeshile Pfizer për përdorimm tek moshat 5-11 vjeç.
Gjatë fjalimit të tij për autorizimin e vaksinës për fëmijët, Biden tha se 28 milionë të rinj amerikanë të tjerë tani kanë të drejtë për mbrojtje dhe administrata e tij është gati të organizojë nisjen e vaksinave.
“Sot është një ditë e mrekullueshme për prindërit amerikanë, familjet amerikane dhe fëmijët amerikanë. Ne kemi bërë një hap gjigant përpara për të përshpejtuar rrugën tonë për të dalë nga kjo pandemi.
Pas muajsh rishikimi rigoroz dhe shkencor, FDA autorizoi dhe CDC rekomandoi një vaksinë COVID-19 për fëmijët e moshës 5-11 vjeç. Për prindërit në të gjithë vendin, kjo është një ditë lehtësimi dhe feste”, tha Biden.
Presidenti shtoi se javën e ardhshme, SHBA do të ketë mjaft vaksina pediatrike në vende të mjaftueshme dhe prindërit do të jenë në gjendje të caktojnë takime fëmijët që të marrin vaksinat e tyre të para. Ai shtoi se SHBA-ja tashmë ka siguruar furnizim të mjaftueshëm me vaksina për çdo fëmijë të vetëm në Amerikë, nga mosha 5-11 vjeç. Presidenti tha se administrata e tij ka punuar me zyrtarët e arsimit për të çuar vaksinat në shkolla.
