Vaksina anti-COVID e kompanisë Pfizer është aprovuar në 4 shtete, të cilat do të nisisn përdorimin e kësaj vaksine për t’i dhënë fund njëherë e mirë luftës me koronavirusin.
Por një nga sfidat më të mëdha me të cilat duhet të përballen shtetet është transportimi i vaksinës nga kompania deri në shtetet që do t’i blejnë, pasi këto vaksina duhet të qëndrojnë në një temperaturë -70 gradë Celcius.
Për transportimin e këtyre vaksinave po punon kompania “Thermo King”, dhe për të realizuar këtë po mendohet të përdoren kontenierët me të cilët transportohet peshku ton në Japoni.
Peshku ton ruhet në -60 gradë Celsius, ndaj edhe kompania do të bëjë disa ndryshime duke rregulluar sistemin e ftohjes, ndërkohë që çdo kontenier mund të mbajë deri në 300 mijë doza të vaksinës.
