Një vendim i menjëhershëm i qeverisë britanike i cili në fakt kishte për qëllim mbrojtjen nga koronavirusi, ka ngjallur debate të shumta në Britaninë e Madhe dhe ka riaktivizuar ata që mendojnë se bërja e vaksinës është një “sterminim” i popullatës ose një konspiracion.
Pikërisht neni që parashikonte se vaksinën nuk do ta bënin të parët të pasurit, as politikanët dhe as familja mbretërore, bëri që mbështetësit e teorive anti-konspiracioniste të nisin polemizimin në media.
“Mbretëresha dhe pjesa tjetër e Familjes Mbretërore në Britaninë e Madhe nuk do kenë privilegjin që të marrin të parët vaksinën kundër koronavirusit të ri. Madje edhe kryeministri Boris Johnson, do të duhet të presë radhën”,- shkruhej sot në të përditshmen “Daily Mail”, në një shkrim nga më të lexuarit në lidhje me bërjen e vaksinës anti-Covid që po vjen.
Sipas “DM”, askush nuk do të marrë trajtim “special”, kur vendi të nisë aksionin për imunizimin masiv përmes vaksinimit.
Një burim qeveritar tha se, vaksinat do të shpërndahen vetëm përmes Shërbimit Shëndetësor Kombëtar. Edhe të pasurit nuk do kenë shans që të kapërcejnë radhën.
Rregullorja parashikon që të parët në radhë për të marrë vaksinën, do jenë ata që jetojnë në azile dhe pleqtë që mund të paraqesin rrezikshmëri prekjeje me moshë të madhe.
Pra ndër të parët do jenë ata mbi 80 vjeç, ku përfshihet edhe Mbretëresha e Anglisë, e cila është 94 vjeçe, edhe pse sipas vendimit të qeverisë, kjo e fundit dhe familja e saj duhet të presin radhën.
Pas tyre do të vazhdojnë grupet e tjera të riskut. Ky vendim vjen pasi kompania “Pfizer” shpalli se vaksina e tyre ofron 90% mbrojtje ndaj koronavirusit.
Kjo vaksinë ka nisur që të prodhohet aktualisht dhe do të nisë të shpërndahet pa u mbyllur viti.
/Burimi: Daily Mail/Përktheu: GazetaReforma.com/
