Vajza ilegale e Presidentit të Rusisë Vladimir Putin, ka treguar disa fakte interesante rreth origjinës së virusit.
Luiza Rosova thotë se Covid -19 është një komplot për të shpopulluar botën. 17 vjeçarja e njohur gjithashtu dhe si Elizaveta Krivonogikh, shfrytëzoi rastin për të aluduar në një teori konspiracioni mbi koronavirusin. Sipas saj e gjithw pandemia wshtw njw komplot nga elitat për të zvogëluar popullsinë e botës.
”Ekziston kjo gjë, nuk e di nëse do ta them siç duhet, quhet miliarda e artë. Është një shoqëri njerëzish super të pasur që kanë rregulluar gjithë këtë mashtrim koronavirusi. Kjo do të thotë se ata po vrasin njerëz.” -tha ajo.
Sa i përket faktit se është e bija e jashtëligjshme e Vladimir Putin, Rozafa refuzoi të konfirmojë ose mohojë se ajo është fëmijë e një lidhje jashtëmartesore me një pastruese të kthyer në milionere.
Në Nëntor, një raport në Projekt, sugjeronte që nëna e saj Svetlana Krivonogikh, 45 vjeç, kishte qenë e dashura e Putinit në fund të viteve 1990 dhe në fillim të viteve 2000. Raporti pretendoi se ajo tani ka një pasuri prej 76 milion £ dhe është aksionere në Rossiya Bank, me një portofol pronash.
Ajo u raportua gjithashtu të ishte pronare e jahtit Aldoga 118 metra me anë të kompanisë së saj Pulse dhe një pike nate ‘erotike’ në Shën Petersburg. Svetlana Krivonogikh nuk ka folur në lidhje me pretendimet, edhe pse vajza e saj ka ardhur në qendër të vëmendjes në internet.
