Ngjarja e djeshme, ku një 18-vjeçare nga fshati Vloçisht i Korçës denoncoi të atin për ngacmim seksual, tronditi opinionin publik shqiptar.
Vajza jetonte me të ëmën te gjyshja në Korçë, pasi prindërit e saj ishin në prag divorci.
18-vjeçarja ka treguar në polici se gjatë një vizite që i ka bërë i ati, i kishte kërkuar që të kryenin marrëdhënie seksuale.
Vajza e kishte regjistruar bisedën, ndaj edhe 37-vjeçari Redolf Merolli u arrestua menjëherë nga policia.
Lidhur me ngjarjen, ka folur edhe ish-kryeplaku i fshatit, i cili ka treguar se Redolfi ka qenë një person i rregullt dhe i kujdesshëm për familjen.
Për marrëdhëniet e të arrestuarit me vajzën, ai ka treguar se Redolfi shkonte mirë dhe donte që ta mbante vetë vajzën.
Në fund ish-kryeplaku shprehet se në qoftë se e ka bërë vërtet këtë, të varet me litar.
Ai thotë:
“Rodolfi jetonte në kushte të vështira ekonomike njihej si i rregullt për këto probleme.
Na ka shokuar kjo ngjarje, nuk e di te ketë arritur deri aty, sepse ska qenë i tillë.
Ai ka patur probleme me bashëshorten dhe shpesh herë ndaheshin dhe bashkoheshin, punonte sa kishte mundësi si elektriçist dhe jashtë shtetit.
Ai kërkonte që vajza të jetonte me të. Me vajzën kishte mardhënie shumë të mira. Nuk pranonte ta linte me nënën e saj sepse kishte dyshimet e tij.
I ka paguar shkollën dhe i ka mbuluar shpenzimet ekonomike. Rodolfi ka shprehur më herët se ishte i gatshëm të shiste gjakun për të mbajtur familjen.
Nëse vërtet e ka bërë, të varet në litar”.
