Autoritetet e Polisisë së Vlorës vijojnë punën e tyre në lidhje me procedimin dhe kapjen e personave të cilët kanë kryer vepra penale të ndryshme. Falë kontrolleve të kryera është bërë i mundur arrestimi i një 55-vjeçari nga Policia e Vlorës pas dhunës që ka ushtruar ndaj bashkëshortes së tij, ndërkohë që në banesë i është gjetur dhe një sasi lënde narkotike e llojit kanabis. Tashmë mbi 55- vjeçarin përvec akuzës së dhunës në familje do të rëndojë edhe akuza e prodhimit dhe shitjes së lëndëve narkotike. Policia gjeti dhe sekuestroi 1 kg e 200 gr lëndë narkotike e dyshuar kanabis.
Materialet në ngarkim të tyre i kaluan Prokurorisë, për veprime të mëtejshme.
Kujtojmë se nuk janë të paktat rastet kur raste të tilla janë të pranishme, pavarësisht masave që jepen dhuna në familje vazhdon akoma të jetë një fenomen “i pranishëm” në shoqërinë tonë.
Njoftimi i policisë:
Specialistët për Hetimin e Trafikut të Paligjshëm dhe Narkotikëve në DVP Vlorë, arrestuan në flagrancë për veprat penale “Dhuna në familje” dhe “Prodhimi dhe shitja e narkotikëve” shtetasin B. L., 55 vjeç, banues në Vlorë, pasi ka ushtruar dhunë fizike ndaj bashkëshortes së tij. Gjithashtu gjatë kontrollit të banesës së tij, Policia gjeti dhe sekuestroi 1 kg e 200 gr lëndë narkotike e dyshuar kanabis.
Materialet në ngarkim të tyre i kaluan Prokurorisë, për veprime të mëtejshme.
