Policia e Tiranës ka arrestuar ditën e sotme 3 persona në Tiranë që ushtronin dhunë fizike dhe psikologjike në familje dhe kanë kundërshtuar me dhunë punonjësit e policisë për shkak të detyrës.
Mësohet se specialistët për Hetimin e Krimit në Komisariatin e Policisë Nr.1, arrestuan ditën e sotme shtetasin me iniciale R.P., 53 vjeç, për veprat penale “Dhunë në familje” dhe “Veprime në kundershtim me vendimin e Gjykates”, pasi ka shkelur vendimin e Gjykatës së Shkallës së Parë Tiranë dhe ka ushtruar dhunë fizike dhe psikologjike ndaj bashkëshortes dhe djalit, të cilët janë të pajisur me urdhër mbrojtje të menjëhershëm.
Ndërkohë janë arrestuar edhe dy persona të tjerë ku njeri prej tyre ka kundërshtuar me dhunë punonjësit e policisë për shkak të detyrës dhe tjetri ka ushtruar dhunë fizike e psikologjike ndaj prindërve dhe motrës së tij.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
Njoftimi i policisë:
Vihen në pranga 3 shtetas, për vepra të ndryshme penale.
Nga specialistët për Hetimin e Krimit në Komisariatin e Policisë Nr.1, u bë arrestimi në flagrancë i shtetastit R.P., 53 vjeç, për veprat penale “Dhunë në familje” dhe “Veprime në kundershtim me vendimin e Gjykates”, pasi ka shkelur vendimin e Gjykatës së Shkallës së Parë Tiranë dhe ka ushtruar dhunë fizike dhe psikologjike ndaj bashkëshortes dhe djalit, të cilët janë të pajisur me urdhër mbrojtje të menjëhershëm.
Po nga specialistët për Hetimin e Krimit në Komisariatin e Policisë Nr.1, u bë arrestimi në flagrancë i shtetastit A.P., 22 vjeç, pasi në Shkozë, ka kundërshtuar me dhunë punonjësit e Policisë, për shkak të detyrës.
Specialistët për Hetimin e Krimit në Komisariatin e Policisë Nr.3, bënë arrestimin në flagrancë në flagrancë të shtetasit R.K., 26 vjeç, sepse në banesë sistematikisht ka ushtruar dhunë fizike e psikologjike ndaj prindërve dhe motrës së tij.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
