Vendosi që të ndalojë takimet partiake për të parandaluar përhapjen e Covid-19, por Sadri Abazi nuk pyet për kufizime. Urdhri i firmosur nga ministrja e Shëndetësisë, Ogerta Manastirliu përcakton “mos grumbullimin në ambiente të mbyllura dhe të hapura me më shumë se 10 persona”, si dhe “mos grumbullimet politike” pasi cilësohen si burime infeksioni.
Vetë PS nuk po i binden rregullave të firmosura nga ministrja e tyre.
Deputeti i PS Sadri Abazi ka zhvilluar sot një takim me delegatët e njësisë 4 në Tiranë. Siç shihet dhe në foto, edhe pse shumica janë me maskë, përsëri kanë shkelur rregullin, pasi janë 28 persona brenda në ambient të mbyllur.
Nisur nga situata e pandemisë në vend Komiteti Teknik ka njoftuat e reja shtrënguese. Duke u nisur nga situata e rënduar, përfaqësuesja e komitetit, Albana Fico në konferencë ne mbajtur për shtyp deklaroi se është parë e nevojshme nga ekspertët të ketë masa shtesë.
Kështu, Komiteti Teknik ka vendosur të ndalojë grumbullimet me më shumë se 10 persona në vende të hapura dhe të mbyllura, të ndalohen mbledhjet partiake, konferencat, tubimet, ceremonitë martesore dhe mortore.
/GazetaReforma.com/
