Që nga dita e sotme, qytetarët do të kenë mundësi të dalin vetëm 4 orë në ditë.
Duke parë lëvizjet e shumta të njerëzve, kryeministri Edi Rama vendosi dje fasha të reja orare, si masë parandaluese për përhapjen e koronavirusit.
Më konkretisht gjatë paradites qytetarët do të lëvizin nga ora 06:00-10:00 dhe pasdite nga ora 16:00-18:00.
Të gjithë ata që do të lëvizin në këto fasha orare, duhet që të mos kenë persona të tjerë në krah.
Kush shkel këtë urdhër, do të gjobitet me 10 mijë lekë të reja dhe do të përjashtohet nga paketa e solidaritetit, paralajmëroi Rama ditën e djeshme.
Gjithashtu bankat do të qëndrojnë hapur në fashat orare të përcaktuara nga shefi i qeverisë.
Më parë qytetarët e kishin të ndaluar të dilnin vetëm pas orës 18:00.
Ndërkohë për këdo që vjen nga zonat e nxehta në Itali dhe nuk vetëkarantinohet, masa administrative është 700 mijë lekë të reja.
Aktualisht në vendin tonë numri i të prekurve nga koronavirusi ka shkuar në 59, nga të cilët dy viktima dhe një i shëruar.
