Universitetet publike të Kosovës kanë njoftuar se prej ditës së nesërme ata do të futen në grevë dhe kjo do të vazhdojnë deri në plotësimin e kërkesave që kanë.
Ky ka qenë rezultati i mbledhjes së rektorëve të universiteteve, prej nga zëvendëskryesuesi i kësaj konference, Fadil Millaku ka thënë se ky vendim ka ardhur për shkak të veprimeve të fundit të Agjencisë Kosovare për Akredim për mbylljen e programeve.
Vetë Millaku ka kërkuar nga organet kompetente shkarkimin e Ministrit të Arsimit, Shqyri Bytyqi, të gjithë anëtarëve të AKA-së dhe të shfuqizohet menjëherë vendimi i tyre, pa u realizuar kjo ata nuk do të kenë asnjë kontakt me ministrin aktual.
Rektorët kanë kërkuar takim me krerët e institucioneve shtetërore për të gjetur një zgjidhje të përbashkët për situatën e krijuar.
Më poshtë mund të lexoni kërkesën e Konferencës së Rektorëve të Universiteteve Publike të Republikës së Kosovës, ku thuhet se janë duke ndërmarrë “veprime urgjente në mbrojtjen e sistemit të arsimit të lartë publik nga degradimi”, drejtuar Presidentit të Republikës së Kosovë, Hashim Thaçit, kryetarit të Kuvendit të Republikës së Kosovës, Kadri Veseli, si dhe Kryeministrit të Qeverisë së Republikës së Kosovës, Ramush Haradinaj.
