Numri i fëmijëve që jetojnë në zona lufte ose që janë zhvendosur me forcë për shkak të konflikteve ka arritur nivele alarmante, sipas raportit të fundit të UNICEF-it.
Agjencia vlerëson se 47.3 milionë fëmijë, një në gjashtë globalisht, jetojnë në zona konflikti. Kjo përqindje është dyfishuar nga 10% në vitet 1990 në gati 19% sot.
Këta fëmijë përballen me pasoja të rënda, përfshirë vrasje, plagosje, braktisje të shkollës, mungesë vaksinash dhe kequshqyerje akute.
“Viti 2024 ka qenë ndër më të errëtit për fëmijët e prekur nga konfliktet, si në numër ashtu edhe në ndikimin që kanë vuajtur,” deklaroi drejtoresha ekzekutive e UNICEF-it, Kathryn Russell.
Në fund të vitit 2023, 47.2 milionë fëmijë ishin zhvendosur për shkak të dhunës dhe konflikteve. Kjo situatë pritet të përkeqësohet më tej në vitin 2024, ndërsa luftërat në Haiti, Liban, Mianmar, Territoret Palestineze dhe Sudan vazhdojnë të intensifikohen.
