Këngëtarja me origjinë shqiptare, Bebe Rexha bëri publike në muajin shtator lidhjen e saj misterioze prej disa muajsh me kineastin e njohur Keyan Safyari.
Në një intervistë për “Entertainment Tonight” Bebe tha se ndihet shumë e lumtur duke thënë se edhe familja e saj e do shumë. Për më tepër ajo ndjen se ai është i duhuri dhe nuk është habi që gjërat të bëhen akoma më tepër serioze mes tyre dhe pse jo, të kemi ndonjë fejesë!
“Na pëlqen ky djalë. Unë mendoj se ky është i duhuri. Ai është një njeri shumë i mirë. Ky djalë është i veçantë. Ai është i dashur, kujdeset për mua, e kupton karrierën time dhe atë që bëj. Familja ime e do atë.Ai është thjesht një person i mahnitshëm dhe më bën të lumtur! Thjesht ndjej se është i duhuri. Unë nuk kam qenë e vetmuar gjatë karantinës. Kam një njeri shumë të mrekullueshëm në jetën time tani dhe ai është kaq i mahnitshëm. Unë jam shumë mirënjohëse për të dhe thjesht po shijoj jetën time dhe do të shoh se ku do më çojë.”- u shpreh këngëtarja.
Kjo është romanca e parë që këngëtarja e bën publike.Në 2017-tën, ajo tha gjatë një interviste për spektaklin radiofonik “Kiss FM” se për herë të fundit kishte qenë në një lidhje në vitin 2015-të.
Më tej në një tjetër intervistë, Bebe ka thënë se ajo i tremb meshkujt e prandaj ata i qëndrojnë larg. Mesa duket më në fund artistja e ka gjetur një person që nuk trembet prej saj dhe e pranon me të mirat e të këqijat që ka.
