Arrihet marrëveshja për reformën zgjedhore mes mazhorancës dhe opozitës parlamentare.
Deputetja Rudina Hajdari foli për mediat menjëherë pas nënshkrimit të marrëveshjes midis palëve për votimin e “5 qershorit”.Më tej Hajdari tha se sot u arrit një fitore e madhe e opozitës së Shqipërisë, e qytetarëve dhe u hodh një hap i rëndësishëm drejt një demokracie të shëndoshë.
Ndërkohë deputetja Hajdari nuk harroi t’i bënte përsëri thirrje opozitës jashtë parlamentare për tu bërë pjesë e këtij ndryshimi dhe që të mos i mbajnë peng mbështetësit e tyre që duan ndryshimin.
“Jam e kënaqur që sot arritëm t’i japim premtimin shqiptarëve që zgjedhjet e ardhshme të votojnë deputetët që duan. Ky është një hap përpara për demokracinë shqiptare. Po hedhim këtë hap sot në këtë ditë, për ndryshim. Ajo që është dukur para shqiptarëve si një gjë jo e mundur, eshte premtim i mbajtur. Premtimin e mbajta. Une jam premtimmbajtëse. Këtë e bëj me një përgjegjësi të lartë. Nëse jemi sot këtu falë qytetarëve. Kjo ditë historike, u bë një moment i rëndësishëm për Shqipërisë. U hodhën hapa drejt Demokracisë. I bëj thirrje opozitës jashtëparlamentare që t’i bashkohet këtij treni të së ardhmes ,dhe të mos i lënë ata që i mbështesin në stacionin e të shkuarës. Sot këtë unë e quaj fitore të opozitës shqiptare”, tha Hajdari.
