Ish-kryeparlamentari i Republikës së Kosovës, si dhe ish-zëdhënësi i Ushtrisë Çlirimtare të Kosovës (UÇK), Jakup Krasniqi, ka dalur përpara tribunalit të Dhomave të Specializuara të Gjykatës Speciale në Hagë, ku akuzohet për krime lufte bashkë me 3 drejtues të tjerë të UÇK-së, Hashim Thaçi, Rexhep Selimi dhe Kadri Veseli.
I pyetur nga gjykatësi i procedurës paraprake për emrin dhe vendlindjen, Krasniqi është shprehur “Jam Jakup Krasniqi, nga Kosova, jam kosovar.”
Në seancën e sotme i akuzuari Jakup Krasniqi, do të njihet vetëm me akt-akuzën dhe para gjykatësit të procedurës paraprake pranon se e ka marrë atë në gjuhën që kupton dhe shkruan. Pas 30 ditësh ai do të dalë përsëri para gjykatës.
Akuzat:
1-Përndjekje, krim kundër njerëzimit
2- Burgosje, krim kundër njerëzimit
3- Ndalim arbitrat, krim lufte
4- Akte çnjerëzore, krim kundër njerëzimit
5- Trajtim miozor, krim lufte
6- Torturë, kim kundër njerëzimit
7- Torturë, krim lufte
8- Vrasje, krim kundër njerëzimit
9- Vrasje, krim lufte
10- Zhdukje me forcë e personave, krim kundër njerëzimit
Sekretarja e seancës ka thënë se këto krime u kryen sipas akt-akuzës nga prilli 1998 deri në gusht 1999, në Kosovë dhe në Shqipërin verore.
Vendet:
– Llapashticë, Potok, Drenoc, Malet e Berishës, Ferizaj, Gjilan, Jabllanicë, Lipjan, Malishevë, Skënderaj, Shpella e Bojakës, Novobërd, Prishtinë, Prizren, Suharek, Vitisë. (Mungojnë disa vende, nuk dëgjoheshin qartë).
– Cahan dhe Kukës, në Shqipërinë veriore.
“Popullit tim i janë bërë shumë padrejtësi, dhe nuk e meriton këtë padrejtësi.
Edhe prokurori serb Vukçeviç, që ka qenë prokuror që nga viti 2003 e ka thënë, unë mendoj që adresa e qartë e krejt kësaj maskarade është në Beograd dhe mbështetësit e politikave të saj kudo qofshin ato.
Duhet të them dicka për mbrojtjen, realisht fillimisht nuk kam menduar qaë të marr avokat mbrojtës, por ishte dëshira e familjes dhe e shokëve që të kem një avokat dhe e pranova.
Por përndryshe jam i bindur se nuk më duhet avokati, nuk mbaj asnjë përgjegjësi të vetme në këtëe që akuzohem, as të veprimit as të mosveprimit.
Detyra ime ka qenë publike, kryesorja kam qenë zëdhënës i UÇK-së. Gjithçka që kam bërë ka qenë publike, edhe gjuhën gjermane, angleze, italiane. Unë i kam dhënë zë luftës së UÇK-së.
Ishim të vendosur që kishim të drejtë të luftonim për liri dhe aleatët na mbështetët.
Veprat për të cilat shkruan aktakuza, asnjëra nga ata nuk qëndron.
Po du me thanë që jam tepër i mllefosur, po e them me bindje të plotë që jam këtu pa të drejtë. Unë duhet të jem tani në vendin tim, në familjen time”, ka thënë përpara trupës gjykuese në Hagë, ish-kryeparlamentari i Kosovës, Jakup Krasniqi./GazetaReforma.com/
