Ditën e sotme një protestë është zhvilluar nga banorët e Mengëllit në Elbasan.
Ata ankohen se edhe pse prej 30 vitesh kanë investuar dhe mbjellur ullinj në tokën shtetërorë përreth bazës ushtarake, ditët e fundit pretendohet se do të mërret e gjithë hapësira që ka qenë dikur bë territorin e bazës.
Banorët të revoltuar theksojnë se ditët e fundit kësaj sipërfaqeje të mbjellur me ullinj i janë vendosur shenja nga baza ushtarake per tia marrë me pretendimin se do të merret e gjithë toka qe dikur ka qenë në territorin e bazës.
Gjithashtu sipas banorëve ullinjte jane në prodhim të plotë. Ata shtojnë se çdo vit kanë paguar takse te fondi pyjor dhe se nuk është e drejte që tua marrin sot atë për të cilën kanë investuar dhe punuar. Sipas banorëve shteti nuk duhet ti kishte lejuar të investonin.
Banorët shprehen se ndodhen në një situatë të vështirë dhe tashmë është shumë vonë që të ç’bëhet i gjithë investimi i tyre ndër vite.
“Kemi paguar shumë vite në pyjore, 16 vite kemi ullirin në prodhim. Të na marrin e të na vrasin si fshat. Është gjynaf i zotit, hajdutë privatë po e marin!”-tha një nga banorët.
Ndërkohë një tjetër banor u shpreh: Na dëmton ekonominë e familjes, kemi gjithë atë tokë me ullinj.
