Punonjësit e Albpetrol dolën ditën e sotme në protestë, pas njoftimin për uljen e pagave.
Para institucionit u mblodhën 250 punonjës, të cilët kundërshtuan vendimin, i cili sipas tyre është i padrejtë.
Sipas këtj vendimi, ata do të trajtohen me 50-60% të rrogës mujore edhe pse kanë punuar rregullisht nga 8 orë.
Punëtorët kanë kërcënuar me grevë urie nëse nuk marrin rrogat.
Ministrja e Infrastrukturës, Belinda Balluku, tha të enjten nga foltorja e Kuvendit, se Albpetrol do të pezullojë nxjerrjen e naftës për shkak të mbushjes së depozitave dhe se kjo do të ndalonte ristrukturimet në këtë sektor.
Megjithatë ministrja nuk përmendi në asnjë moment që do të kishte ulje pagash të punonjësve.
Ndërkohë ende nuk ka një reagim zyrtar nga drejtori i Albepetrol, Gent Gazheli, i emëruar disa ditë më parë.
Ulja e pagave dhe shkurtimet nga puna u denoncuan edhe nga kreu i PD, Fier, Luan Baçi, i cili hodhi akuza ndaj qeverisë, se po shkurton pagat e 1790 punëtorëve, duke u vjedhur bukën e gojës mijëra familjeve.
