Ukraina ndodhet në luftë dhe sipas ligjit ushtarak, burrave ukrainas midis 18 dhe 60 vjeç u ndalohet të largohen nga vendi në mënyrë që të shërbejnë në mbrojtje të vendit, duke luftuar kundër trupave ruse.
Agjencia e rojes kufitare të Ukrainës ka njoftuar se rreth 2,200 burra ukrainas janë arrestuar deri më tani teksa përpiqeshin të largoheshin nga vendi në kundërshtim me ligjin ushtarak.
Agjencia tha të dielën se disa prej tyre kanë përdorur dokumente të falsifikuara dhe të tjerë janë përpjekur të korruptojnë rojet kufitare për të dalë nga vendi. Disa madje janë gjetur të vdekur derisa përpiqeshin të kalonin malet Karpate në mot të pafavorshëm.
Theksojmë se lufta në Ukrainë tashmë ka marrë pamjen e masakrës që rusët bënë në mënyrë mizore në Bucha. Zyrtarët nga e gjithë bota dënuan veprimet makabre të ushtrisë ruse ndaj civilëve në Bucha të Ukrainës. Ndërkohë që presidenti i Ukrainës përveçëse ka përshëndetur aksionin e fundit të sanksioneve të vendosura ndaj Rusisë, gjithashtu i ka cilësuar ato akoma si të pamjaftueshme.
Presidenti ukrainas Zelensky i ka bërë thirrje perëndimit që të shkojë më thellë dhe të bojkotojnë përdorimin e natës ruse. Rusia është prodhuesi i tretë më i madh i naftës në botë , me më shumë se gjysma e eksporteve të saj që shkojnë në Evropë. Importet ruse përbëjnë 8% të kërkesës totale të naftës në Mbretërinë e Bashkuar dhe 3% në SHBA.
