Renati Hajmeli është shqiptari i cili udhëtoi nga SHBA-të në Shqipëri, teksa në aeroportin e Rinasit në kryeqytet pas kontrollit iu konstatuan armë dhe 125 fishekë. Sipas mediave, 51-vjeçari është nisur nga Texasi me armën me vete dhe 125 fishekë në valixhe, ka mbërritur në “Luton Airport” pasi ka patur tranzit dhe pa asnjë problem është nisur drejt Shqipërisë. Por gjatë kontrollit në vijën e dytë, në valixhe i është gjetur arma e zjarrit dhe 125 fishekë. Sipas “TCH” për zbardhjen e kësaj ngjarje është kërkuar bashkëpunimi FBI-s dhe NCA-s Agjencisë Britanike Kundra Krimit të Organizuar. Në lidhje me këtë ngjarje ka reaguar Philip Baum, ekspert sigurie për çështjet e aviacionit në Angli.
Philip Baum
Është një ngjarje më të vërtetë shqetësuese por jo një thyerje sigurie. Fokusi kontrolleve është tek bagazhet e dorës të avionit për të identifikuar armë, sende të ndaluara që mund të përdoren në pengmarrje të avionit. Bagazhet kontrollohen për të gjetur lëndë shpërthyese në formën e bombave IED. Pavarësisht sa thashë më sipër, armë të futura në valixhe duhet të identifikohen në momentin e skanimit. Për këtë rast pyetjet thelbësore që lindin janë. A ka patur një tentativë për ta fshehur armën mes sendeve të tjera në valixhe? Si dhe, a kemi të bëjmë këtu me një qëllim të keq apo thjesht një gabim?
