Komisioneri Publik i ka kërkuar Kolegjit të Posaçëm të Apelimit, shkarkimin nga detyra të prokurorit të Krimeve të Rënda, Besim Hajdarmataj.
Pavarësisht konfirmimit në detyrë me disa rezerva, KPK e referoi dosjen e Hajdarmataj në Inspektoriatin e Lartë të Drejtësisë, për inspektim të shkaqeve, që mund të përbëjnë shkëlje disiplinore.
Arsyeja kryesore e kërkesës së ONM dhe Komisionerit Publik, është mbyllja e një dosje nga Hajdarmataj, kur ka qenë drejtues i Prokurorisë së Kurbinit.
Bëhet fjalë për kërcënimin ndaj 5 punonjësve të Njësisë së Mbikëqyrjes së Lojërave të fatit nga një grup prej 15 personash.
Pas 1 viti e 3 muaj Hajdarmataj e ka mbyllur dosjen pa bërë asnjë hetim dhe shpjegimet e tij kanë ngritur dyshime tek autoritetet shtetërore.
Sipas “Shqiptarja.com”, rezulton se Hajdarmataj kishte lidhje me njërin prej anëtarëve të grupit, të kallëzuar për “Kundërshtim të punonjësit publik”.
Gjithashtu nga jhetimi është konstatuar se prokurori kishte shkëmbyer disa mesazhe me këtë person, se dhe ka udhëtuar me të disa herë jashtë vendit.
Hajdarmataj ka mohuar lidhjet me këtë person, duke thënë se e njeh thjesht si person.
