Gjykata speciale ka marrë për shqyrtim edhe një tjetër figurë të rëndësishme të UÇK-së, Lahi Brahimaj.
Është një listë e gjatë eprorësh të Ushtrisë Çlirimtare të Kosovës, që kanë marrë ftesë për t’u intervistuar nga Zyra e Prokurorit të Specializuar dhe sigurisht që Brahimaj do të ishte i përfshirë në të.
Ish- gjenerali është ftuar për t’u marrë në pyetje rreth ngjarjeve që kanë ndodhur gjatë viteve të luftës.
Konfirmimin Brahimaj e ka bërë për Gazetën Express, ku edhe është shprehur se do të jetë në dispozicion të zyrës për çfarëdolloj pyetjesh që dëshiron të drejtojë.
“Jam i gatshëm të bashkëpunoj dhe t’i përgjigjem ftesës sic kam bërë edhe më herët”, ka thënë Brahimaj.
Brahimaj ka qenë zëvendëskomandant i zonës operative të Dukagjinit, ndërsa më parë ishte akuzuar nga Gjykata e Hagës për krime të luftës, por ishte shpallur i pafajshëm.
