Udhëheqësit globalë kanë bërë thirrje për një traktat të ri për të ndihmuar botën të përgatitet për pandemitë e ardhshme, në një paralajmërim kundër nacionalizmit në rritje të vaksinave.
Më shumë se 20 udhëheqës kombëtarë, duke përfshirë Emmanuel Macron të Francës, Boris Johnson të Britanisë dhe Angela Merkel të Gjermanisë, paralajmëruan se bëhet fjalë për “jo nëse, por kur” të pêrballemi me kriza të tjera shëndetësore.
Ata bëjnë thirrje për një bashkëpunim më të madh ndërkombëtar dhe thone se vendet duhet të shmangin izolimin dhe nacionalizmin.
“Do të ketë pandemi të tjera dhe urgjenca të tjera të mëdha shëndetësore. Asnjë qeveri e vetme ose agjenci shumëpalëshe nuk mund ta trajtojë këtë kërcënim vetëm. Çështja nuk është nëse, por kur”, thotë artikulli. Paralajmërimi i ashpër vjen ndërsa vendet dhe blloqet tregtare vazhdojnë të përplasen për furnizimin me vaksina.
Bashkimi Evropian dhe Britania e Madhe janë në një luftë të gjatë fjalësh mbi kontratat e prodhuesit të vaksinën AstraZeneca për të furnizuar vendin e tyre ndërsa disa vende anëtare të BE kanë shprehur vazhdimisht zhgënjimin e tyre me bllokimin e vaksinave të bllokut. Por grupi që nënshkroi artikullin e së martës goditi dukshëm këtë fenomen, duke theksuar se uniteti dhe bashkërendimi ishin thelbësore për pandemitë e ardhshme.
Midis autorëve është edhe shefi i Organizatës Botërore të Shëndetësisë (OBSH) Tedros Adhanom Ghebreyesus, i cili ka paralajmëruar më parë kundër nacionalizmit të vaksinave dhe një qasjeje “unë së pari” ndaj inokulimit. Udhëheqësit botërorë shkruajnë se ata janë “të përkushtuar për të siguruar qasje universale dhe të barabartë në vaksina, ilaçe dhe diagnostikime të sigurta, efikase dhe të përballueshme, për këtë dhe pandemitë e ardhshme”.